Щылэ мазэм и 18-м, Тыркуем щыIэ "Мармара Адыгэ хасэхэм язэгохьэныгъэ" зыфиIорэм хэт хасэхэм ятхьэматэхэр къалэу Бурса дэт Адыгэ хасэм иунэ зэхэсыгъо щыраIагъ. Ащ хэлэжьагъэх къалэхэу Бурса, Балакасир, Бандырма, Инигол, Гонен, Сусурлук ащылажьэрэ Адыгэ хасэхэм ятхьэматэхэр, ялIыкIохэр.
Зэхэсыгъом Iофыгъо заулэ тегущыIагъэх, Мармарэ шъолъырым мэфэкIэу иIэщтыр, шъыгъо-шIэжь мафэр жъоныгъуакIэм и 21 , "зэгохьаныгъэм" изэхэтыкIэ лэжьакIэр, КАФФЕД-р ДАХ-м зэрэдэмылэжьэжьырэр ыкIи нэмыкIхэр.
КАФФЕД-м иIофкIэ, мы аужьырэ тхьэмафэхэм КАФФЕД-м щыщ хасэхэр КАФФЕД-м игъэцэкIакIо куп дырамыгъащтэрэм фэдэу интернетым щагъэIугъэхэр зэрэмышъыпкъэхэр зэхэсыгъом къыщаIуагъ ыкIи зэхэсыгъом хэлэжьагъэ пстэуми КАФФЕД-р Дунае Адыгэ Хасэм зэрэдэмылэжьэжьырэм дырагъэщтагъ.
Къызыхэтхыгъэр: kaffed.org
Comments
Post a Comment