Sunday, January 8, 2017

"Хэкум гъэзэжьынымкIэ Адыгэ Хасэр" 2016-м нэбгри 7-м бизнес цIыкIу къызэIуахынэу адэIэпыIагъ


Дунае хасэу "Хэкум гъэзэжьынымкIэ Адыгэ Хасэм" исайт зэритымкIэ, 2016-рэ илъэсым, ихэку къэзыгъэзэжьыгъэ нэбгри 7-м бизнес цIыкIу къызэIуахынэу чIыфэхэр аритыгъэх.  А чIыфхэм процент хамыгъэхъоу, мазэ къэс тэкIу къатыжьэу, илъэсищыкIэ къырагъэзэжьыщтых.

Ащ нэмыкIэу, зы нэбгым хэку къегъэзэжьыным пае чIыфэ ратыгъ (гъогупкIэ), нэбгри 2-м къохьлъэтапкIэ (билет) къыфащэфыгъ, зы унагъоу (4 мэхъух) яятэ зимыIэжьым мазэ къэс дэIэпыIэх.

2016-рэ илъэсым IэпыIэгъухэу хасэм ыугощыгъэхэр къызыхэкIыгъэ лъэныкъохэр хасэм исайт къырагъэуцуагъэ тхыгъэм итых. Ащ нэмыкIэу, мы IэпыIэгъухэм ыкIи чIыфэу аритхэрэм екIолIакIэ-шIыкIэу хасэм иIэхэр а тхыгъэм итых.

Хасэм исайт къырагъэуцуагъэ тхыгъэм уеджэн плъэкIыщт нэмыкI бзэхэмкIэ: УрысбзэкIэ, АрапбзэкIэ, ИнджлизбзэкIэ.



1 comment:

  1. Тхьэм шъегъэпсэу ихэку къэзыгъэзэжьыгъэхэм шъузэраде1эрэмык1э

    ReplyDelete