Тыгъэгъазэм и 12-м, Адыгэ Республикэм илIышъхьэу Тхьакущынэ Аслъанрэ Адыгэ Республикэм ипарламент итхьэматэу КъумпIыл Муратрэ Урысие Федерацием ипрезидентэу Путин Владимирэ, Москвэ щыIукIагъэх.
ЗэIукIэм тхьэматэхэм къыщаIуагъэхэр урысбзэкIэ тхыгъэу Урысие Федерацием ипрезидент исайт къырагъэуцуагъ. А къаIуагъэхэмкIэ къыбгурыIон плъэкIыщт Путин Владимирэ КъумпIыл Мурат Адыгэ Республикэм илIышъхьэ хъунэу зэрэдригъащтэрэр.
"Республикэр зыфэдэр къыосыIожьын ищыкIагъэп, о ар дэгъоу ошIэ, хэхъоныгъэхэр ебгъэшIынэу тыпщэгугъу" Путиным рыIуагъ КъумпIылым.
"Цэхь къызэрэсыфэпшIыгъэмкIэ тхьэуегъэпсэу, кIуачIэу сиIэмкIэ пшъэрылъэу къытфэпшIыгъэхэр тыгъэцэкIэщтых, республикэм щыпсэухэрэм ящыIэкIэ псэукIэр нахьышIу тшIынэу тылэжьэщт" КъумпIылым Путиным рыIожьыгъ.
Къызыхэтхыгъэр: kremlin.ru
Comments
Post a Comment