Щылэ мазэм и 22-м, Тыркуем щылажьэрэ "Адыгэ Зэгохьаныгъэ" (Черкес Федерацие) зыфиIорэм, къалэу Истамбул дэт хьэкIэщэу "Мармара" зэфэс щыриIагъ. Ащ хэлэжьагъэх, Тыркуем ит къалэхэм ыкIи шъолъырхэм къарикIыгъэ лIыкIохэр.
БлэкIыгъэ илъэсым "Адыгэ Зэгохьаныгъэм" игъэцэкIагъэхэм афэгъэхьыгъэу тхьэматэр ыкIи гъэцэкIакIо купым хэтхэр къэгущыIагъэх. Ащ нэужьым хэдзынхэр ашIыгъэх. Адыгэ Зэгохьаныгъэм итхьэматэу джыри зэ хадзыжьыгъ д. Бащ Нусрэт. ГъэцэкIакIо купым хэтыщтхэр, зэгохьаныгъэм къотатэу иIэхэм япащэхэр ыкIи Тыркуем ит политикэ партихэм зэгохьаныгъэм лIыкIоу ащриIэщтхэр хадзыгъэх.
"Адыгэ Зэгохьаныгъэ" Адыгэ хасэ 13 хэт. Ахэм анэмыкIэу, политикэ парти тхьэматэхэр , къалэ ыкIи шъолъыр тхьэматэхэр, тхакIохэр, бизнесменхэр ыкIи цIыф цIэрыIохэр хэтых.
Къызыхэтхыгъэр: cerkesfed.org
д. Бащ Нусрэт
Comments
Post a Comment