Дунае хасэм итхьэматэрэ Кавказ федерацием итхьэматэрэ зэIукIагъэх


Гъэтхапэм и 3-м, Къэбэртае-Бэлкъар Республикэм щыIэ Дунае Адыгэ Хасэ зыфаIорэм итхьэматэу Сэхъурыкъо Хьэутирэ Тыркуем щыIэ Кавказ Федерацием итхьэматэу Хьагъундыкъо Ящар-Асланкаерэ Анкъара щызэIукIагъэх.

Мы аужьырэ мазэхэм дунае хасэмрэ Кавказ федерациемрэ ягузэгу зэгурымыIоныгъоу къифагъэм изэшIохын бгъуитIур тегущыIагъэх.

ЗэIукIэм хэлжьагъэх Адыгэ Республикэм щыщ тхакIоу Мэщбащэ Исхьакъ,дунае хасэм игъэцэкIакIо куп хэтхэм ащыщхэр, Кавказ федерацием игъэцэкIакIо куп хэтхэм ащыщхэр.

Шъугу къэтэгъэкIыжьы, тыгъэгъазэм и 22-м, 2016-рэ илъэсым, Кавказ Федерацием унашъо ыщтэгъагъ зэпхыныгъэу дунае хасэм дыриIэхэр зэпигъэугонхэу. МэукIэ ащ шъуджэн шъулъэкIыщт adygeway.blogspot.ru.

Къызыхэтхыгъэр: kaffed.org



Comments